[114] EPISTOLA XIV.

IOHANNI DRUSIO.

Franekeram.

Salve, mi DRUSI. Paucis diebus a tuo discessu, librum quem vides & ad te epistolam accepi, ab AUG. THUANO AYMERIO, Viro docto & mihi amico. Quid desideret, tu videbis: ego illud, ut in occasione prima respondeas, & literas ad me mittas. Qui eas porro Lutetiam curabo. Constare enim illi de fide mea volo. In hac re illi mihique rem gratam facies: qui te amamus. Leidae XI. Kal. April. MDLXXXVIII. D. LYDIO salutem multam dicito, cujus liter. heri accept. prima occasione respond. Nunc nimis impedior.

I. LIPSIUS tuus.